പത്തനംതിട്ട : മലയാള സിനിമയുടെ അതുല്യ നടൻ തിലകൻ്റെ പത്താം ചരമ വാർഷിക അനുസ്മരണം സിനിമ പ്രേക്ഷക കൂട്ടായ്മയുടെ ആഭിമുഖ്യത്തിൽ നടത്തി. സീരിയൽ – സിനിമ – നാടക നടൻ കടമ്മനിട്ട കരുണാകരൻ പത്താമത് തിലകൻ അനുസ്മരണം ഉദ്ഘാടനം ചെയ്തു. ചെയർമാൻ സലിം പി. ചാക്കോ ചടങ്ങിൽ അദ്ധ്യക്ഷത വഹിച്ചു. സുനിൽ മാമ്മൻ കൊട്ടുപള്ളിൽ, വിനോദ് ഇളകൊള്ളൂർ, ശ്രീജിത് എസ്. നായർ , വിഷ്ണു അടൂർ, റെജി എബ്രഹാം , അജിത് മണ്ണിൽ ,ബിനോയ് രാജൻ, കെ.സി.വർഗ്ഗീസ് , രജീല ആർ. രാജം , അനിൽ കുഴിപതാലിൽ തുടങ്ങിയവർ അനുസ്മരണ പ്രസംഗങ്ങൾ നടത്തി.
