കൊച്ചി : നടിയെ ആക്രമിച്ച സംഭവത്തിന്റെ മുഖ്യസൂത്രധാരന് ദിലീപാണെന്ന് സര്ക്കാര്. കേസ് അട്ടിമറിക്കാന് ഓരോ ഘട്ടത്തിലും ദിലീപ് ശ്രമിച്ചുവെന്നും നടിയെ ആക്രമിച്ച സംഭവത്തിന്റെ മുഖ്യസൂത്രധാരന് ദിലീപെന്നും പ്രോസിക്യൂഷന് കോടതിയെ അറിയിച്ചു. ദിലീപിന്റെ മുന്കൂര് ജാമ്യത്തെ എതിര്ത്ത് ഹൈക്കോടതിയില് നല്കിയ സത്യവാങ്മൂലത്തിലാണ് സര്ക്കാരിന്റെ വിശദീകരണം. നടിയെ ആക്രമിച്ച കേസില് പ്രതിയായ നാള് മുതല് കേസില് ദിലീപ് നടത്തിയ ഇടപെടലുകള് അക്കമിട്ട് വിവരിക്കുന്നതാണ് അന്വേഷണ സംഘം സമര്പ്പിച്ച സത്യവാങ്മൂലം.
ക്രിമിനല് കേസിലെ പ്രതി അന്വേഷണ ഉദ്യോഗസ്ഥനെ കൊല്ലാന് ഗൂഢാലോചന നടത്തുന്നത് സംസ്ഥാന ചരിത്രത്തില് തന്നെ ആദ്യമാണ്. കേസ് അട്ടിമറിക്കാന് ഓരോ ഘട്ടത്തിലും ദിലീപ് ശ്രമിച്ചട്ടുണ്ട്. നടിയെ ആക്രമിച്ച സംഭവത്തിന്റെ മുഖ്യ സൂത്രധാരന് ദിലീപാണെന്നും പ്രോസിക്യൂഷന് പറയുന്നു. നടിയെ ആക്രമിച്ച കേസിലെ ദിലീപിന്റെ പങ്കാളിത്തം കൂടുതല് തെളിയിക്കുന്നതാണ് ഇപ്പോഴത്തെ വെളിപ്പെടുത്തലുകള്.
ദിലീപിനെ സഹായിക്കാന് ഇരുപതോളം സാക്ഷികള് കൂറുമാറിയിട്ടുണ്ട്. ഈ കൂട്ട കൂറുമാറ്റത്തിനു പിന്നിലും ദിലീപാണെന്ന് സത്യവാങ്മൂലം പറയുന്നു. ഗൂഢാലോചനാ കേസില് ദിലീപിനെതിരായ ആരോപണങ്ങള് ഏറെ ഗൗരവമുള്ളതാണ്. അതീവ രഹസ്യ ഗൂഢാലോചനയാണ് അന്വേഷണ ഉദ്യോഗസ്ഥര്ക്കെതിരെ നടന്നത്.
