പത്തനംതിട്ട : ജില്ലാ ഉപഭോക്തൃ തർക്ക പരിഹാര കമ്മീഷനും ജില്ലാ ലീഗൽ സർവീസ് അതോറിറ്റിയും ചേർന്ന് ദേശീയ ഉപഭോക്ത്യ ദിനത്തില് ഉപഭോക്തൃ തർക്ക കേസുകൾക്ക് മാത്രമായി കമ്മീഷൻ ഹാളിൽ അദാലത്ത് നടന്നു. ജില്ലാ പഞ്ചായത്ത് പ്രസിഡന്റ് അഡ്വ. ഓമല്ലൂർ ശങ്കരൻ ഉദ്ഘാടനം ചെയ്തു. സി.ഡി.ആർ.സി. പ്രസിഡന്റ് ബേബിച്ചൻ വെച്ചൂച്ചിറ അദ്ധ്യക്ഷത വഹിച്ചു.
കമ്മീഷൻ അംഗങ്ങളായ എൻ. ഷാജിതാ ബീവി, നിഷാദ് തങ്കപ്പൻ, ബാർ അസോസിയേഷൻ പ്രസിഡന്റ് അഡ്വ. സി.വി. ജ്യോതിരാജ്, റെജി റ്റി. നായർ എന്നിവർ പ്രസംഗിച്ചു. കമ്മീഷൻ പ്രസിഡന്റ് ബേബിച്ചൻ വെച്ചൂച്ചിറ, അംഗങ്ങളായ എൻ. ഷാജിതാ ബീവി, നിഷാദ് തങ്കപ്പൻ എന്നിവരുടെ നേതൃത്വത്തിൽ 3 സെക്ഷനുകളിലായി 105 കേസുകൾ പരിഗണിച്ചു. ജില്ലാ ലീഗൽ സർവ്വീസ് അതോറിറ്റി നിയോഗിച്ച അഭിഭാഷകരായ എ. ഷെബീർ അഹമ്മദ്, എന്. ഷാജിമോന്, എസ്.റ്റി ശ്രീദേവി എന്നിവർ അദാലത്തില് കോടതിയെ സഹായിച്ചു.
