കോന്നി : തണ്ണിത്തോട് അടവി കുട്ടവഞ്ചി സവാരി കേന്ദ്രത്തിൽ താത്കാലികമായി നിർത്തിവെച്ചിരുന്ന കുട്ടവഞ്ചി സവാരി പുനരാരംഭിച്ചു. കല്ലാറ്റിലെ ജലനിരപ്പ് ഉയർന്നതിനെ തുടർന്ന് ഓഗസ്റ്റ് ഒന്നാം തീയതി ആണ് കുട്ടവഞ്ചി സവാരി നിർത്തി വെച്ചത്. നദിയിൽ വെള്ളം കുറഞ്ഞതിനെ തുടർന്ന് വീണ്ടും സവാരി പുനരാരംഭിക്കുക ആയിരുന്നു. വലിയ വെള്ളത്തിൽ ശക്തമായ ഒഴുക്ക് ഉണ്ടാകുമ്പോൾ അപകട സാധ്യത വർധിക്കും എന്നതിനാൽ ആണ് സവാരി നിർത്തി വെച്ചത്. എന്നാൽ ദീർഘ ദൂര സവാരി ആരംഭിച്ചിട്ടില്ല.
