തിരുവല്ല : തിരുവല്ല നിയോജകമണ്ഡലത്തിലെ വിവിധ സ്ഥലങ്ങളില് ഹൈമാസ്റ്റ് ലൈറ്റുകള് സ്ഥാപിക്കുന്നതിന് 15 ലക്ഷം രൂപയുടെ ഭരണാനുമതി ലഭിച്ചതായി അഡ്വ.മാത്യു ടി തോമസ് എം എല് എ അറിയിച്ചു. നിരണം പഞ്ചായത്തിലെ പനച്ചമൂട്, കുറ്റൂര് പഞ്ചായത്തിലെ ആറാട്ടുകടവ്, കടപ്ര പഞ്ചായത്തിലെ തിക്കപ്പുഴ, തിരുവല്ല നഗരസഭയിലെ കോട്ടാലി ജംഗ്ഷന് എന്നിവിടങ്ങളില് എംഎല്എ ഫണ്ടില് നിന്നും തുക വിനയോഗിച്ച് ലൈറ്റുകള് സ്ഥാപിക്കുന്നതിനാണ് ജില്ലാ കളക്ടര് അനുമതി നല്കിയിട്ടുള്ളത്.
