പത്തനംതിട്ട: സോളാര് പീഡനകേസില് സിബിഐയുടെ ക്ലീന്ചിറ്റ് ലഭിച്ചതിന് പിന്നാലെ പ്രതികരണവുമായി അടൂര് പ്രകാശ് എം പി. തനിക്കെതിരെ നടന്നത് രാഷ്ട്രീയ പക പോക്കലെന്ന് തെളിഞ്ഞു. ആരോപണം മാനസികമായി പ്രയാസങ്ങള് ഉണ്ടാക്കിയിരുന്നു. ഒടുവില് സത്യവും നീതിയും ജയിച്ചുവെന്നും അദ്ദേഹം പറഞ്ഞു.
എംപിക്കെതിരെ പരാതിക്കാരി ഉന്നയിച്ച ആരോപണങ്ങള്ക്ക് തെളിവില്ലെന്നായിരുന്നു സിബിഐയുടെ കണ്ടെത്തല്. പത്തനംതിട്ടയിലെ പ്രമാടം സ്റ്റേഡിയത്തില് വച്ച് പീഡിപ്പിച്ചുവെന്നായിരുന്നു അടൂര് പ്രകാശിനെതിരായ ആരോപണം. എന്നാല് ഈ പീഡന പരാതിക്ക് തെളിവില്ലെന്ന് സിബിഐ കോടതിയെ അറിയിക്കുകയായിരുന്നു.
അടൂര് പ്രകാശ് ബാംഗ്ലൂരില് ഹോട്ടല് റൂമെടുത്ത ശേഷം വിമാന ടിക്കറ്റ് അയച്ച് ക്ഷണിച്ചുവെന്നും പരാതിക്കാരി ആരോപണം ഉയര്ത്തിയിരുന്നു. എന്നാല് ഹോട്ടല് റൂ എടുക്കുകയോ, ടിക്കറ്റ് അയക്കുകയോ ചെയ്തതായി തെളിവില്ലെന്ന് സിബിഐ റിപ്പോര്ട്ടില് പറയുന്നു. ഇതോടെയാണ് ആരോപണങ്ങള് അടിസ്ഥാനരഹിതമാണെന്ന് ചൂണ്ടിക്കാട്ടി സിബിഐ കോടതിക്ക് റിപ്പോര്ട്ട് നല്കിത്.
