കൊടുമൺ : കുറഞ്ഞ ചെലവിൽ ഓട്ടോമാറ്റിക് ചലനശേഷിയുളള ക്ളീനിംഗ് യന്ത്രം കണ്ടുപിടിച്ച് അടൂർ എസ്.എൻ.ഐടി വിദ്യാർത്ഥികൾ. അവസാനവർഷ മെക്കാനിക്കൽ എൻജിനിയറിംഗ് വിദ്യാർത്ഥികളായ അഭയകൃഷ്ണൻ, ഗോകുൽ ജ്യോതി, ജോജിൻ, ജിന്റോ കെ.ബിജു എന്നിവരാണ് യന്ത്രം നിർമ്മിച്ചത്. ചെറിയ രൂപത്തിലുള്ള യന്ത്രം ചലനം സ്വയം തിരഞ്ഞെടുക്കുന്നതാണ്. വീടുകളിലും ഒാഫീസുകളിലും ആശുപത്രികളിലും ഉപയോഗിക്കാമെന്ന് വിദ്യാർത്ഥികൾ പറഞ്ഞു. മെക്കാനിക്കൽ വിഭാഗം മേധാവി ഡോ.എം.ഡി ശ്രീകുമാർ, പ്രോജക്ട് കോർഡിനേറ്റർ വിഷ്ണു എസ്.നായർ, ഗൈഡ് എം.വി പ്രണവ് എന്നിവരാണ് യന്ത്രം വികസിപ്പിക്കുന്നതിന് മേൽനോട്ടം വഹിച്ചത്.
