പന്തളം : അടൂർ എം.എൽ.എ അഡ്വ. സി വി ശാന്തകുമാറിന് മഹിളാ കോൺഗ്രസ് പന്തളം മണ്ഡലം കമ്മിറ്റി സ്വീകരണം നൽകി. പന്തളം വ്യാപാര ഭവനിൽ കൂടിയ സ്വീകരണ സമ്മേളനം പത്തനംതിട്ട ജില്ലാ പഞ്ചായത്ത് ആരോഗ്യ – വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ശ്രീനാദേവിക്കുഞ്ഞമ്മ ഉദ്ഘാടനം ചെയ്തു. സമ്മേളനത്തില് ഇന്ത്യ ബുക്സ് ഓഫ് റിക്കാർഡ്സ് 2026 അവാർഡ് ജേതാവ് പൂഴിക്കാട് സ്വദേശി ഹെലൻ റോസ് ചാൾസിനെ മെമെന്റോ നല്കി ആദരിച്ചു. പന്തളം ഉൾപ്പെടുന്ന അടൂർ നിയോജക മണ്ഡലത്തിൽ തന്റെ പൂർണ്ണ ശ്രദ്ധയുണ്ടാവുമെന്നും വികസന കാര്യങ്ങളിൽ ഉൾപ്പെടെ ആത്മാർത്ഥതയോടെ പ്രവർത്തിക്കുമെന്നും എംഎൽഎ അഡ്വ. സി വി ശാന്തകുമാർ മറുപടി പ്രസംഗത്തിൽ അറിയിച്ചു.
മഹിളാ കോൺഗ്രസ് പന്തളം മണ്ഡലം പ്രസിഡന്റ് ശാന്തി സുരേഷ് അധ്യക്ഷത വഹിച്ചു. മഹിളാ കോൺഗ്രസ് സംസ്ഥാന ജനറൽ സെക്രട്ടറി ലാലി ജോൺ മുഖ്യപ്രഭാഷണം നടത്തി. മഹിളാ കോൺഗ്രസ് ബ്ലോക്ക് പ്രസിഡന്റ് അനിതാ ഉദയൻ, ജില്ലാ ജനറൽ സെക്രട്ടറി സുനിത വേണു, എ നൗഷാദ് റാവുത്തർ, എസ് ഷെരീഫ്, പന്തളം മഹേഷ്, കെ ആർ വിജയകുമാർ, ആനി ജോൺ തുണ്ടിൽ, സുനി സജു, ബിൻസി ബേബി, ഹസീന എസ്, ഇ എസ് നുജുമുദ്ധീൻ, പി പി ജോൺ, പന്തളം വാഹിദ്, ആർ സുരേഷ് കുമാർ, ബൈജു മുകടിയിൽ, ഗീത പി നായർ, വത്സല, സോമിനി ജോർജ്, അന്നമ്മ ജേക്കബ് തുടങ്ങിയവർ പ്രസംഗിച്ചു.
