കോന്നി : കോന്നി നിയോജക മണ്ഡലത്തിലെ രണ്ട് സ്കൂളുകളുടെ പുതിയ കെട്ടിടങ്ങളുടെ നിർമ്മാണ ഉദ്ഘാടനം അഡ്വ.കെ യു ജനീഷ് കുമാർ എംഎൽഎ നിർവഹിച്ചു. ഒരു കോടി രൂപ വീതം അനുവദിച്ച് നിർമ്മിക്കുന്ന തേക്ക്തോട് ഗവ.ഹയർ സെക്കൻഡറി സ്കൂൾ, വയലവടക്ക് എൽ.പി സ്കൂൾ എന്നിവക്കാണ് പുതിയ കെട്ടിടങ്ങള് നിര്മ്മിക്കുന്നത്. ദീർഘനാളായി ശോചനീയമായ കെട്ടിടത്തിൽ പ്രവർത്തിക്കുന്ന വയലാ വടക്ക് എൽ പി സ്കൂളിൽ ഒന്നു മുതൽ നാലു വരെ ക്ലാസുകള്ക്കാണ് റൂമുകൾ നിർമ്മിക്കുന്നത്. സ്റ്റെയർ റൂമും ശുചിമുറികളും കെട്ടിടത്തിൽ വിഭാവനം ചെയ്തിട്ടുണ്ട്. തേക്ക്തോട് സ്കൂളിൽ ഹയർ സെക്കൻഡറി വിഭാഗത്തിന് 6 മീറ്റർ വീതിയും 9 മീറ്റർ നീളവുമുള്ള നാല് ക്ലാസ് റൂമുകളും രണ്ട് സ്റ്റെയർ റൂമുകളും ആണ് നിർമ്മിക്കുന്നത്. എട്ടുമാസമാണ് പ്രവർത്തിയുടെ കാലാവധി.
പൊതുമരാമത്ത് കെട്ടിട വിഭാഗത്തിനാണ് പ്രവർത്തിയുടെ നിർവഹണ ചുമതല.
ചടങ്ങിൽ വള്ളിക്കോട് പഞ്ചായത്ത് പ്രസിഡണ്ട് ബീന സോമൻ, ജില്ലാ പഞ്ചായത്തംഗം എ.എൻ സലിം, റോസമ്മ ബാബുജി, സോജി പി ജോൺ, പ്രസന്ന രാജൻ, ജയ്സി കോശി, ലീന, കൈപ്പട്ടൂർ സഹകരണ ബാങ്ക് പ്രസിഡന്റ് പ്രസാദ് മാത്യു, കോന്നി വിദ്യാഭ്യാസ ഉപ ഡയറക്ടർ ബിജു കുമാർ, പി ടി എ ഭാരവാഹികൾ, പൊതുമരാമത്ത് – വിദ്യാഭ്യാസ വകുപ്പ് ഉദ്യോഗസ്ഥർ, മുൻ വാർഡ് മെമ്പർമാരായ വി വി സത്യൻ, സുലേഖ, പി പ്രഹ്ളാദന് തുടങ്ങിയവര് പങ്കെടുത്തു.
