മഞ്ചേരി : മഞ്ചേരി ബാർ കൗൺസിലിലെ അഭിഭാഷകന് കോവിഡ്. മഞ്ചേരി, മലപ്പുറം കോടതി സമുച്ചയങ്ങൾ താല്ക്കാലികമായി അടച്ചു. രോഗ ബാധിതനായ അഭിഭാഷകന് ജോലിക്കെത്തിയതിനെ തുടർന്നാണ് നടപടി.
മഞ്ചേരിയിൽ ജില്ലാ കോടതി ഉൾപ്പെടെ 13 കോടതികളും മലപ്പുറത്ത രണ്ട് കോടതികളുമാണ് അടച്ചത്. ഒന്നാം സെഷന്സ് കോടതി, മഞ്ചേരി ഫോറസ്റ്റ് കോടതി, സബ് കോടതി, മലപ്പുറം കുടുംബ കോടതി, ജുഡീഷ്യൽ ഫസ്റ്റ് ക്ലാസ് കോടതികളിലുമാണ് അഭിഭാഷകന് ജോലിക്ക് എത്തിയത്.
ഇവർക്കൊപ്പം ജോലി ചെയ്തവരോടും പ്രോസിക്യൂട്ടർ, പോലീസുകാരോടും ക്വാറന്റീനിൽ പോകാൻ നിർദ്ദേശിച്ചിട്ടുണ്ട്. ഇനിയൊരു അറിയിപ്പ് ഉണ്ടാകുന്നതുവരെ അടിയന്തിര പ്രാധാന്യമുള്ള കേസുകൾ മാത്രമെ ഇവിടെ പരിഗണിക്കു. കോടതി നടപടിക്രമങ്ങൾ ഓണ്ലൈൻ ആക്കാനുള്ള പദ്ധതിയും ആലോചനയുണ്ട്.
വെള്ളിയാഴ്ച് പകല് രണ്ടിനാണ് അഭിഭാഷകന് കോവിഡ് സ്ഥിരീകരിച്ചത്. കൊണ്ടോട്ടി നഗരസഭാ കൗൺസിലറാണ് അഭിഭാഷകൻ. ഇദ്ദേഹത്തിന് രോഗലക്ഷണങ്ങൾ ഇല്ലായിരിന്നു. കൊണ്ടോട്ടിയിൽ നടത്തിയ ആന്റിജൻ പരിശോധനയിലാണ് കോവിഡ് സ്ഥിരീകരിച്ചത്. ആരോഗ്യ വകുപ്പിന്റെ നിർദ്ദേശത്തെ തുടർന്ന് കോടതിഹാളുകളും പരിസരങ്ങളും അണുനശീകരണം നടത്തി. ആരോഗ്യ വകുപ്പ് അധികൃതരുമായി ചർച്ച ചെയ്തശേഷം തുടർ നടപടികൾ സ്വീകരിക്കുമെന്ന് കോടതി അധികൃതർ പറഞ്ഞു.
