കോന്നി : മലപ്പുറം തവനൂർ കേളപ്പജി കോളേജ് ഓഫ് അഗ്രികൾച്ചർ എഞ്ചിനീയറിംഗ് ആന്റ് ടെക്നോളജി, തണ്ണിത്തോട് കൃഷി ഭവനുമായി ചേർന്ന് സംഘടിപ്പിച്ച ഗാർഹിക കൃഷിയന്ത്രങ്ങളുടെ പ്രവർത്തി പരിചയമേള സമാപിച്ചു. കാടുതെളിക്കുന്ന യന്ത്രം, വിവിധ മിനി ടില്ലറുകൾ, തെങ്ങുകയറ്റ യന്ത്രം, മരങ്ങളുടെ ചില്ല വെട്ടുന്നതിനുള്ള യന്ത്രങ്ങൾ, ചക്കത്തോട്ടി, വാഴക്കുല പൊതിയാനുള്ള യന്ത്രം എന്നിവയിലാണ് തണ്ണിത്തോട് കൃഷി ഭവനിലെ കാർഷീക കർമ്മസേന അംഗങ്ങൾക്ക് പരിശീലനം നൽകിയത്. ചക്ക അടർത്തുന്നതിനുള്ള തോട്ടി, വാഴക്കുല പൊതിയുന്ന യന്ത്രം എന്നിവ കേളപ്പജി എഞ്ചിനീയറിംഗ് കോളജിൽ വികസിപ്പിച്ചെടുത്തതാണ്. കോളേജിലെ മുഖ്യ ഗവേഷക ഡോ.സിന്ധു ഭാസ്കറിന്റെ നേതൃത്വത്തിലായിരുന്നു പരിശീലനം. .
Advertisement
