പാലക്കാട്: പാലക്കാട് ഒന്നരവര്ഷം മുമ്പ് മരിച്ചയാള്ക്ക് എഐ ക്യാമറ നോട്ടീസ് ലഭിച്ചു. ഒന്നര വര്ഷം മുന്പ് മരിച്ച അച്ഛന് ഗതാഗത നിയമലംഘനം നടത്തിയെന്ന് നോട്ടീസ് ലഭിച്ചിരിക്കുന്നത് പാലക്കാട് സ്വദേശി വിനോദിനാണ്. അച്ഛന്റെ ഇരുചക്ര വാഹനത്തിലെ പിന്സീറ്റ് യാത്രക്കാരിക്ക് ഹെല്മറ്റ് ഇല്ലെന്നാണ് എഐ ക്യാമറ കണ്ടെത്തിയത്. എന്നാല് പഞ്ചറായി കിടക്കുന്ന വണ്ടി അച്ഛന് മരിച്ച ശേഷം പുറത്തു പോലും എടുത്തിട്ടില്ലെന്ന് മക്കള് പറയുന്നു. പാലക്കാട് കാവല്പ്പാട് സ്വദേശിയായ ചന്ദ്രശേഖരന് 89ാമത്തെ വയസ്സിലാണ് മരിച്ചത്. ഒന്നരവര്ഷം മുമ്പായിരുന്നു മരണം.
മരിക്കുന്നതിന് 7 മാസം മുമ്പ് അദ്ദേഹം അല്ഷിമേഴ്സ് ബാധിച്ച് കിടപ്പിലായിരുന്നു. അദ്ദേഹത്തിന്റെ വണ്ടി ഇവിടെയുണ്ട്. ഈ വാഹനത്തില് യാത്ര ചെയ്തതിനാണ് ഇപ്പോള് എഐ ക്യാമറയുടെ നോട്ടീസ് വന്നിരിക്കുന്നത്. പിന്സീറ്റിലിരുന്ന യാത്രക്കാരിക്ക് ഹെല്മെറ്റ് ഇല്ലാത്തതിന്റെ പേരിലാണ് പിഴ നല്കണമെന്ന് ആവശ്യപ്പെട്ടുകൊണ്ടുള്ള നോട്ടീസ്.
