കണ്ണൂര്: തളിപ്പറമ്പ് മണ്ഡലത്തിലെ വിവിധ കേന്ദ്രങ്ങളില് വായു, ജല മലിനീകരണത്തെക്കുറിച്ച് സമഗ്ര പഠനം നടത്തുമെന്ന് തദ്ദേശസ്വയംഭരണ എക്സൈസ് വകുപ്പ് മന്ത്രി എം വി ഗോവിന്ദന്. ചെറുപഴശ്ശി അങ്കണവാടിയുടെ പുതിയ കെട്ടിടോദ്ഘാടനം നിര്വഹിച്ച് സംസാരിക്കുകയായിരുന്നു അദ്ദേഹം.
വായുമലിനീകരണം ക്രമാതീതമായി ഉയര്ന്നു വരികയാണ്.
കോവിഡിന്റെ പശ്ചാത്തലത്തില് അങ്കണവാടി മുതല് ഉന്നതവിദ്യാഭ്യാസം വരെയുള്ള വിദ്യാര്ത്ഥികളില് പഠനം നടത്തിയതില് കുട്ടികളുടെ കായികക്ഷമത കുറഞ്ഞു വരുന്ന സാഹചര്യമാണുള്ളത്. ശ്വാസകോശ സംബന്ധമായ രോഗങ്ങളും ക്യാന്സര് അടക്കമുള്ള മാരക രോഗങ്ങളും പടര്ന്നു പിടിക്കുന്ന സാഹചര്യത്തിലാണ് പഠനം നടത്താന് ആലോചിക്കുന്നതെന്ന് മന്ത്രി പറഞ്ഞു.