പാലക്കാട് : പാലക്കാട് സംഘര്ഷവുമായി ബന്ധപ്പെട്ട് സര്ക്കാര് വിളിച്ച സര്വകക്ഷി സമാധാന യോഗത്തില് നിയമസഭ സ്പീക്കര് എം.ബി രാജേഷ് പങ്കെടുക്കും. യോഗത്തില് എല്ലാ പാര്ട്ടികളും പങ്കെടുക്കുന്നത് ശുഭ സൂചനയാണെന്ന് മന്ത്രി കെ.കൃഷ്ണന്കുട്ടി പറഞ്ഞു. ഇന്ന് ഉച്ചതിരിഞ്ഞ് മൂന്നിന് പാലക്കാട് കളക്ട്രേറ്റില് വച്ചാണ് സര്വ്വകക്ഷിയോഗം നടക്കുക. മന്ത്രി കെ.കൃഷ്ണന് കുട്ടിയുടെ അധ്യക്ഷതയിലാണ് യോഗം. ബിജെപി, ആര്.എസ്.എസ്, എസ്.ഡി.പി.ഐ, പോപ്പുലര്ഫ്രണ്ട് പ്രതിനിധികള് യോഗത്തില് പങ്കെടുക്കും.
അതേസമയം പോപ്പുലര് ഫ്രണ്ട് പ്രാദേശിക നേതാവ് സുബൈര് കൊല്ലപ്പെട്ട സംഭവത്തില്, കസ്റ്റഡിയിലായ പ്രതികളുടെ അറസ്റ്റ് ഇന്നുണ്ടായേക്കും. ആര്.എസ്.എസ് നേതാവ് ശ്രീനിവാസനെ കൊലപ്പെടുത്തിയ സംഭവത്തിലെ ആറു പ്രതികളില് ചിലര് ഇന്നു വലയിലാവുമെന്നാണ് അന്വേഷണ സംഘം നല്കുന്ന സൂചന.
