ദില്ലി: കോഴ്സ് ഇംഗ്ലീഷില് ആണെങ്കിലും മാതൃഭാഷയില് പരീക്ഷ എഴുതാന് വിദ്യാര്ത്ഥികള്ക്ക് അവസരം നല്കണമെന്ന് സര്വകലാശാലകള്ക്ക് യുജിസി നിര്ദ്ദേശം. കോഴ്സ് ഇംഗ്ലീഷില് ആണെങ്കിലും ഇതിന് അവസരം നല്കണമെന്നും യുജിസി നിര്ദേശിക്കുന്നു. ഉന്നത വിദ്യാഭ്യാസരംഗത്ത് പ്രാദേശിക ഭാഷകളുടെ ഉപയോഗം പ്രോത്സാഹിപ്പിക്കാന് നടപടികള് സ്വീകരിക്കാന് സര്വകലാശാലക്ക് നിര്ദ്ദേശം നല്കുന്നതിന്റെ ഭാഗമാണ് യുജിസിയുടെ നിര്ദേശം.
വിഷയം ഇംഗ്ലീഷില് പഠിപ്പിച്ചാലും പ്രാദേശിക ഭാഷകളില് പരീക്ഷ എഴുതാന് സര്വകലാശാല അനുവദിക്കണമെന്നാണ് കത്തിലെ നിര്ദ്ദേശങ്ങളില് ഒന്ന്. പ്രാദേശിക ഭാഷകളും ഉപയോഗിക്കുന്നത് സര്വകലാശാലകള് പ്രോത്സാഹിപ്പിക്കണം. പഠനപ്രക്രിയകളിലും പ്രാദേശികഭാഷ ഉപയോഗിക്കണം. പ്രാദേശിക ഭാഷയിലേക്കുള്ള വിവര്ത്തനത്തിനും സര്വകലാശാലകള് പ്രോത്സാഹനം നല്കണം. പ്രാദേശിക ഭാഷകളില് അധ്യാപനവും പഠനവും മൂല്യനിര്ണ്ണയവും നടത്തിക്കഴിഞ്ഞാല്, വിദ്യാര്ത്ഥികളുടെ വിജയശതമാനം വര്ദ്ധിപ്പിക്കാനാകുമെന്നും കത്തില് ചൂണ്ടിക്കാട്ടുന്നു.
