മണ്ണഞ്ചേരി : ആലപ്പുഴയില് രോഗിയുമായി പോയ ആംബുലന്സ് അപകടത്തില്പെട്ടു. ശനിയാഴ്ച രാത്രി ദേശീയപാതയില് കലവൂര് തെക്ക് റേഡിയോ നിലയത്തിന് സമീപ കാറുമായി കൂട്ടിയിടിച്ചാണ് അപകടം. രോഗിയും മറ്റ് യാത്രക്കാരും പരിക്കുകളില്ലാതെ രക്ഷപ്പെട്ടു. ചേര്ത്തല താലൂക്ക് ആശുപത്രിയില്നിന്ന് രോഗിയുമായി ആലപ്പുഴ മെഡിക്കല് കോളേജിലേക്ക് പോകുമ്പോഴായിരുന്നു അപകടം.
ഉടന് മറ്റൊരു ആംബുലന്സില് രോഗിയെ ആലപ്പുഴ മെഡിക്കല് കോളേജിലേക്ക് കൊണ്ടുപോയി. അമിത വേഗതയിലെത്തിയ കാര് ആംബുലന്സില് വന്നിടിക്കുകയായിരുന്നു എന്ന് നാട്ടുകാര് പറയുന്നു. അപകടത്തെ തുടര്ന്ന ചേര്ത്തല ആലപ്പുഴ ദേശീയ പാതയില് അരമണിക്കൂറോളം ഗതാഗതക്കുരുക്ക് ഉണ്ടായി. നാട്ടുകാര് വിലരമറിയിച്ചതിനെ തുടര്ന്ന് പോലീസ് എത്തിയാണ് വാഹനങ്ങള് റോഡില് നിന്ന് മാറ്റി ഗതാഗതം സുഖമമാക്കിയത്.
