അമേരിക്ക : ഈസ്റ്റര് ദിനത്തില് കൊറോണ വൈറസ് മൂലം അമേരിക്കയില് മരണപ്പെട്ടത് ആയിരത്തിലേറെ പേര്. ലോകാരോഗ്യ സംഘടനയുടെ കണക്ക് പ്രകാരം ഞായറാഴ്ച അമേരിക്കയില് കൊറോണ ബാധിച്ച് മരിച്ചത് 1,090 പേരാണ്. ഇതോടെ അമേരിക്കയില് കൊറോണ ബാധിച്ചുള്ള ആകെ മരണം 21,667 ആയി.
ഞായറാഴ്ച മാത്രം 17,776 പേര്ക്കാണ് അമേരിക്കയില് കൊറോണ സ്ഥിരീകരിച്ചത്. ഇതോടെ ആകെ രോഗികളുടെ എണ്ണം 550,655 ആയി ഉയര്ന്നു. 31,120 പേരാണ് ഇതുവരെ കൊറോണയില് നിന്ന് മുക്തി നേടിയത്. 11,760 പേര് ഇപ്പോഴും അമേരിക്കയില് ഗുരുതരാവസ്ഥയിലാണ്.
യുഎസില് ന്യൂയോര്ക്ക് നഗരമാണ് രോഗത്തിന്റെ പ്രധാന ഹോട്സ്പോട്ട്. ന്യൂയോര്ക്കില് മാത്രം രോഗബാധിതരുടെ എണ്ണം ലക്ഷം കടന്നു. യുറോപ്യന് രാജ്യങ്ങളായ സ്പെയിന്, ഫ്രാന്സ് എന്നിവിടങ്ങളിലും മരണസംഖ്യ ഉയരുകയാണ്. രോഗവ്യാപനം നിയന്ത്രണ വിധേയമാകാത്തതിനാല് അമേരിക്ക കൂടുതല് അടച്ചുപൂട്ടല് നിയന്ത്രണത്തിലേക്ക് കടക്കുകയാണ്.