നെടുമ്പാശ്ശേരി : ഡിസ്എംബാര്ക്കേഷന് കാര്ഡ് പൂരിപ്പിച്ചു നല്കാന് വിസമ്മതിച്ച് ബഹളമുണ്ടാക്കിയ അമേരിക്കന് മലയാളിയെ ഇമിഗ്രേഷന് വിഭാഗം തിരിച്ചയക്കും. ഖത്തര് എയര്വേസ് വിമാനത്തില് എത്തിയ ബെന്നി ജോസഫിനെയാണ് മടക്കി അയക്കുന്നത്. ഇയാള് അമിതമായി മദ്യപിച്ചിരുന്നു. സഹയാത്രികരെയും ഇമിഗ്രേഷന് ഉദ്യോഗസ്ഥരെയും ചീത്തവിളിക്കുകയും ചെയ്തു. ഇയാളെ മടക്കിക്കൊണ്ടു പോകണമെന്ന് ഖത്തര് എയര്വേസ് വിമാനത്തിന്റെ പൈലറ്റിനോട് ഇമിഗ്രേഷന് വിഭാഗം ആവശ്യപ്പെട്ടു. അമിതമായി മദ്യപിച്ചിരുന്നതിനാല് പൈലറ്റ് വിസമ്മതിച്ചു. തുടര്ന്ന് ഇയാളെ വ്യാഴാഴ്ചത്തെ വിമാനത്തില് കൊണ്ടുപോകാമെന്ന് അറിയിച്ചിരിക്കുകയാണ്.
