ദില്ലി: പാര്ലമെന്റ് നടപടികള് തടസ്സപ്പെടുത്തുന്ന പ്രതിപക്ഷ പാര്ട്ടികളോട് രാജ്യത്തെ ജനങ്ങള് പൊറുക്കില്ലെന്ന് ആഭ്യന്തരമന്ത്രി അമിത് ഷാ. രാഹുല് ഗാന്ധിയെ അയോഗ്യനാക്കിയത് കോടതിയാണെന്നും രാജ്യത്തെ നിയമങ്ങളെ ബഹുമാനിക്കണമെന്നും അമിത് ഷാ പറഞ്ഞു. രാഹുലിനെ അയോഗ്യനാക്കിയതിനെച്ചൊല്ലി പാര്ലമെന്റ് നടപടികള് തടസ്സപ്പെടുത്തിയതിന് പ്രതിപക്ഷ പാര്ട്ടികളോട് ജനങ്ങള് പൊറുക്കില്ലെന്നും അദ്ദേഹം പറഞ്ഞു.
യുപിഎ സര്ക്കാര് കൊണ്ടുവന്ന നിയമപ്രകാരം രാഹുല് അയോഗ്യനായതിന്റെ പേരില് പാര്ലമെന്റ് സ്തംഭിപ്പിച്ച പ്രതിപക്ഷ പാര്ട്ടികള്ക്ക് ജനം മാപ്പ് നല്കില്ലെന്നും അമിത് ഷാ പറഞ്ഞു. പാര്ലമെന്റിലേക്ക് കറുത്ത വസ്ത്രം അണിഞ്ഞെത്തിയാണ് കോണ്ഗ്രസ് പ്രതിഷേധിച്ചത്. നടപടികള് മുന്നോട്ട് കൊണ്ടുപോകാന് കഴിയാതെ സഭാ സമ്മേളനം അവസാനിച്ചത് ചരിത്രത്തില് ആദ്യമാണ്. വിദേശത്ത് പോയി ഇന്ത്യയ്ക്കെതിരെ നുണപ്രചാരണം നടത്തി, ഇത് നടക്കാന് പാടില്ലാത്ത സംഭവമായിരുന്നു. രാഹുല് ഗാന്ധിയ്ക്ക് മറുപടി നല്കാന് ബിജെപി പ്രവര്ത്തകര് തയ്യാറാകണമെന്നും അമിത് ഷാ പറഞ്ഞു.
