21.5 C
Pathanāmthitta
Tuesday, January 18, 2022 5:57 am
- Advertisment -

അനീഷ് ജോര്‍ജിന്റെ കൊലപാതകം ; പ്രതിയെ സ്ഥലത്തെത്തിച്ച് തെളിവെടുപ്പ് നടത്തി

തിരുവനന്തപുരം : പേട്ടയില്‍ 19കാരനായ അനീഷ് ജോര്‍ജിനെ കൊലപ്പെടുത്തിയ കേസില്‍ പ്രതി സൈമണ്‍ ലാലനെ സ്ഥലത്തെത്തിച്ച്‌ തെളിവെടുപ്പ് നടത്തി. മകളുടെ സുഹൃത്തായ അനീഷ് ജോര്‍ജ് വീട്ടിലേക്ക് വരുമെന്ന് സൈമണ് ധാരണയുണ്ടായിരുന്നു. അനീഷിനോട് വ്യക്തിവൈരാഗ്യം ഉണ്ടായിരുന്ന സൈമണ്‍ അനീഷിനെ വിളിച്ചുവരുത്തി കൊലപ്പെടുത്തിയതല്ലെന്ന് പേട്ട സി.ഐ റിയാസ് രാജ അറിയിച്ചു.

മകളുമായി അനീഷിന് പ്രണയമുണ്ടായിരുന്നു. അനീഷ് മകളുടെ മുറിയിലെത്തിയതറിഞ്ഞ് കത്തിയുമായി മുറിയുടെ കതക് തകര്‍ത്ത് അകത്തുകയറി അനീഷിനെ തടഞ്ഞുവെച്ച്‌ മുതുകിലും നെഞ്ചിലും കുത്തി കൊലപ്പെടുത്തുകയായിരുന്നു. ഈ വിവരം പ്രതി പോലീസിനോട് പറഞ്ഞു. കൊലയ്‌ക്ക് ഉപയോഗിച്ച ആയുധം വീട്ടിലെ വാട്ടര്‍ മീ‌റ്ററിനുള‌ളില്‍ ഒളിപ്പിച്ച നിലയിലായിരുന്നു.

മകളുടെ മുറിയില്‍ നിന്നും രാത്രിയില്‍ പുറത്തിറങ്ങിയയാളെ കള‌ളനെന്ന് കരുതി തടയാന്‍ ശ്രമിക്കുകയും കത്തികൊണ്ട് കുത്തുകയും ചെയ്‌തെന്നായിരുന്നു സംഭവ ദിവസം സൈമണ്‍ ലാലന്‍ മൊഴി നല്‍കിയത്. എന്നാലിന്ന് അത് കളവാണെന്ന് ആദ്യ അന്വേഷണത്തില്‍ പോലീസിന് മനസിലായി. അനീഷുമായി ലാലന് പരിചയമുണ്ടായിരുന്നെന്ന് തെളിഞ്ഞതിനെ തുടര്‍ന്നാണിത്. ഡിസംബര്‍ 29ന് പുലര്‍ച്ചെയാണ് പേട്ട സ്വദേശിയായ അനീഷ് ജോര്‍ജ് പെണ്‍കുട്ടിയുടെ വീട്ടില്‍ വെച്ച്‌ കൊല്ലപ്പെട്ടത്.

- Advertisment -
Advertisment
Advertisment
- Advertisment -
- Advertisment -

Most Popular