മല്ലപ്പളളി : പ്രവർത്തന മികവിന് ആദരവ് നൽകി. കീഴ് വായ്പൂര് പോലീസ് എസ്.എച്ച്.ഒ. ജി. സന്തോഷ് കുമാറിനെയും മല്ലപ്പള്ളി ജോ.ആർ.റ്റി. ഒ മനോജ് എം.ജി യെയും മല്ലപ്പള്ളി 863 നമ്പർ എസ്.എൻ.ഡി.പി ശാഖാ യോഗത്തിന്റെ 80-ാമത് വാർഷിക സമ്മേളനത്തിലാണ് ആദരിച്ചത്. കോവിഡ് കാലത്തെ പ്രവർത്തനങ്ങളും കൃത്യനിർവ്വഹണത്തിലെ സത്യസന്ധതയും കണിക്കിലെടുത്താണ് ആദരവ്. യോഗത്തിൽ തിരുവല്ല എസ് എൻ ഡി പി യൂണിയൻ പ്രസിഡന്റ് ബിജു ഇരവിപേരൂർ അദ്ധ്യക്ഷത വഹിച്ചു.
യൂണിയൻ സെക്രട്ടറി അനിൽ എസ് ഉഴത്തിൽ അനുമോദന പ്രഭാഷണം നടത്തി. യോഗം അസി.സെക്രട്ടറി വനജാ വിദ്യാധരൻ ജി. സന്തോഷ് കുമാറിനെയും യോഗം ഇൻപെക്ടിംഗ് ഓഫീസർ എസ് രവീന്ദ്രൻ മനോജ് എം.ജിയെയും മൊമെന്റോ നല്കി ആദരിച്ചു. കൺസിലർമാരായ ബിജു മേത്താനം, അനിൽ ചക്രപാണി, സരസൻ റ്റി.ജെ , രാജേഷ് മേപ്രാൽ, പ്രസന്നകുമാർ , മനോജ് ഗോപാൽ ശാഖാ പ്രസിഡന്റ് ഗിരീഷ് മല്ലപ്പള്ളി,സെക്രട്ടറി ഷൈലജ മനോജ് ,ജയൻ സി.വി ചെങ്കല്ലിൽ ,വാസുദേവൻ കളരിക്കൽ എന്നിവർ സംസാരിച്ചു.
