കോന്നി : കോന്നി കേരള സംസ്ഥാനസർവ്വീസ് പെൻഷനേഴ്സ് യൂണിയൻ കോന്നി ബ്ലോക്ക് വാർഷിക സമ്മേളനം നടന്നു. കോന്നി വൈസ്മെൻസ് ഹാളിൽ നടന്ന സമ്മേളനം അഡ്വ.കെ യു ജനീഷ് കുമാർ എംഎൽഎ ഉദ്ഘാടനം ചെയ്തു. യൂണിയൻ ബ്ലോക്ക് കമ്മിറ്റി പ്രസിഡൻ്റ് എൻ ശേഖരൻ നായർ അധ്യക്ഷത വഹിച്ചു. ജില്ലാ സെക്രട്ടറി പി രാമചന്ദ്രൻ പിള്ള, സംഘടനാ റിപ്പോർട്ടും ബ്ലോക്ക് സെക്രട്ടറി കെ കെ കരുണാനന്ദൻ പ്രവർത്തന റിപ്പോർട്ടും ട്രഷറർ പി ആർ രാമചന്ദ്രൻ നായർ നവംബർ ചിലവ് കണക്കും അവതരിപ്പിച്ചു. സി പി ഹരിദാസ് സ്വാഗതവും എൻ എസ് മുരളി മോഹൻ നന്ദിയും പറഞ്ഞു. പി വിശ്വനാഥൻ ആചാരിയുടെ നേത്യത്വത്തിൽ നടത്തിയ തെരഞ്ഞെടുപ്പിൽ ഭാരവാഹികളായി ഇ പി അയ്യപ്പൻ നായർ (പ്രസിഡൻ്റ്) കെ കെ കരുണാനന്ദൻ (സെക്രട്ടറി) സി പി ഹരിദാസ് (ട്രഷറർ) എന്നിവരെ തെരഞ്ഞെടുത്തു.
