റാന്നി: കീക്കൊഴൂർ ഗവൺമെന്റ് ഹൈസ്കൂൾ, എൻ എം യു പി സ്കൂൾ, ഫ്രണ്ട്സ് ക്ലബ് ആന്ഡ് ലൈബ്രറി എന്നിവയുടെ സംയുക്ത ആഭിമുഖ്യത്തിൽ പൊതുജനങ്ങളുടെ സഹകരണത്തോടെ ലഹരി പ്രതിരോധ ചങ്ങല സംഘടിപ്പിച്ചു. ഗവൺമെന്റ് ഹൈസ്കൂളിലെയും എൻ എം യു പി സ്കൂളിലെയും വിദ്യാർത്ഥികൾ ” അരുത് ലഹരി” ക്യാമ്പയിന്റെ ഭാഗമായ തെരുവ് നാടകങ്ങൾ അവതരിപ്പിച്ചു. ജില്ലാ പഞ്ചായത്ത് അംഗം ജോർജ് എബ്രഹാം ഉദ്ഘാടനം ചെയ്തു.
ബി ആർ സി കോ ഓർഡിനേറ്റർ ജേക്കബ് സാം ലഹരി വിരുദ്ധ പ്രതിജ്ഞ ചൊല്ലി കൊടുത്തു. ഹൈസ്കൂൾ ഹെഡ്മിസ്ട്രസ് സീന ദാസ് എൻ എം യു പി സ്കൂൾ ഹെഡ്മിസ്ട്രസ് അനിത മാത്യൂസ്, ലൈബ്രറി പ്രസിഡന്റ് തോമസ് എബ്രഹാം, ടി. വി കോശി, മോനി ജോസഫ്, സുധാകരൻ നായർ എന്നിവർ നേതൃത്വം നൽകി. വിദ്യാർത്ഥികൾ, അധ്യാപകർ, രക്ഷകർത്താക്കൾ, പൊതുജനങ്ങൾ ചങ്ങലയിൽ അണി ചേർന്നു.
