ചെങ്ങന്നൂര് : കാസര്കോട് മുതല് തിരുവനന്തപുരം വരെ കെ-റെയില് പദ്ധതിക്കെതിരെ ഉയര്ന്നു വരുന്ന ജനരോഷം തടയാന് മുഖ്യമന്ത്രി പിണറായി വിജയന് സംസ്ഥാനത്തെ മുഴുവന് പോലിസിനെയും ഇറക്കിയാലും സാധിക്കുകയില്ലെന്ന് കെ.പി.സി.സി സെക്രട്ടറി സുനില് പി ഉമ്മന് പറഞ്ഞു. കെ – റെയില് പദ്ധതിക്കെതിരെ മുളക്കുഴയില് പ്രതിഷേധിച്ച കൊടിക്കുന്നില് സുരേഷിനെതിരെ കള്ളക്കേസ് എടുത്തതില് പ്രതിഷേധിച്ച് ബ്ലോക്ക് കോണ്ഗ്രസ് കമ്മറ്റി നടത്തിയ പ്രതിഷേധ മാര്ച്ച് ഉദ്ഘാടനം ചെയ്യുകയായിരുന്ന അദ്ദേഹം.
ബ്ലോക്ക് കോണ്ഗ്രസ് പ്രസിഡന്റ് ജോര്ജ് തോമസ് അദ്ധ്യാക്ഷത വഹിച്ചു. പി.വി ജോണ്, കെ.ദേവദാസ്, മറിയാമ്മ ജോണ് ഫിലിപ്പ്, ബിപിന് മാമ്മന്, ഡി.നാഗേഷ് കുമാര്, സുജ ജോണ്, വരുണ് മട്ടയ്ക്കല്, ഗോപു പുത്തന്മഠത്തില്, കെ.ഷിബുരാജന്, സോമന് പ്ലാപ്പള്ളി, സിബീസ് സജി, ദിലിപ് ചെറിയനാട്, ബീജു ആര്, ശശി എസ് പിള്ള എന്നിവര് പ്രസംഗിച്ചു.
