കൊച്ചി : കോലഞ്ചേരിയിലെ ആശുപത്രിയില് നിന്ന് തൃക്കാക്കരയില് പരിക്കേറ്റ രണ്ടരവയസ്സുകാരിയെ ഇന്ന് ഡിസ്ചാര്ജ് ചെയ്യും. തിരുവനന്തപുരം ശ്രീചിത്രയില് ആകും തുടര്ചികിത്സ ഇനി നടത്തുക. സിഡബ്ല്യുസിയുടെ തീരുമാനം കുട്ടിയുടെ അച്ഛന്റെ ആവശ്യം പരിഗണിച്ചാണ്. തിരുവനന്തപുരം സിഡബ്ല്യുസിക്ക് മേല്നോട്ടം കൈമാറി. വിജയകരമായി കുഞ്ഞിന്റെ പരിക്കേറ്റ ഇടതുകൈയുടെ സര്ജറി പൂര്ത്തിയാക്കിയിട്ടുണ്ട്. സംസാരശേഷി കുട്ടി വീണ്ടെടുത്തിട്ടില്ല ആഹാരം കഴിക്കുന്നുണ്ട്. കോലഞ്ചേരി ആശുപത്രിയിലെ ഡോക്ടര്മാര് പറയുന്നത് സംസാരിക്കുന്നതിന് കൂടുതല് സമയം വേണ്ടി വന്നേക്കാമെന്നാണ്.
ഇതുവരെയും പോലീസിന് എങ്ങനെയാണ് കുട്ടിക്ക് പരിക്കേറ്റതെന്ന് കണ്ടെത്താന് കഴിഞ്ഞിട്ടില്ല. തലച്ചോറിനും നട്ടെല്ലിനും ഇങ്ങനെ സാരമായ പരിക്കേറ്റത് കുട്ടിയെ ആരോ ബലമായി പിടിച്ച് കുലുക്കിയതിനെ തുടര്ന്നുള്ള ആഘാതത്തിലാണെന്ന് ഡോക്ടര്മാരും വ്യക്തമാക്കി. ഇതോടെയാണ് കുഞ്ഞിന് അമ്മ അറിയാതെ ഇങ്ങനെ സംഭവിക്കില്ലെന്ന നിഗമനത്തിലേക്ക് പോലീസ് എത്തുന്നത്. എന്നാല് അമ്മയും അമ്മൂമ്മയും ആവര്ത്തിച്ച് പറയുന്നത് ഹൈപ്പര് ആക്ടീവായ കുട്ടി സ്വയം വരുത്തിയ പരിക്കെന്നാണ്.
