ചെങ്ങന്നൂര് : കെ – റെയില് കല്ലിടാന് എത്തിയ ഉദ്യോഗസ്ഥരുടെ മുന്നില് എംഎ വിദ്യാര്ഥി കിണറ്റില് ചാടി ആത്മഹത്യക്ക് ശ്രമിച്ചു. മുളക്കുഴ 16-ം വാര്ഡില് വട്ടമോടിയില് തെക്കെ ചരുവില് വീട്ടില് ആരോമല് ആണ് ആത്മഹത്യക്ക് ശ്രമിച്ചത്. കെ – റെയില് ഉദ്യോഗസ്ഥരുമായി വീട്ടുടമ ഉഷയും മകനും ഉണ്ടായ വാക്കുതകര്ക്കത്തിനിടയില് പോലീസ് അതിക്രമത്തില് പ്രതിഷേധിച്ച് ഉഷയുടെ മകനും എം.എ വിദ്യാര്ഥിയുമായ ആരോമല് വീട്ടുവളപ്പിലെ ആഴമുള്ള കിണറ്റില് ചാടാന് ശ്രമിക്കുകയായിരുന്നു. സമീപത്തുണ്ടായിരുന്ന നാട്ടുകാരും പോലീസും ചേര്ന്ന് വിദ്യാര്ഥിയെ കടന്നുപിടിച്ച് രക്ഷപെടുത്തുക ആയിരുന്നു.
