ചെങ്ങന്നൂര് : കൊഴുവല്ലൂര് കിഴക്കേ മോടിയില് തങ്കമ്മയുടെ അടുപ്പില് ഇട്ട കുറ്റി മുന് പ്രതിപക്ഷ നേതാവ് രമേശ് ചെന്നിത്തല ഊരിയെറിഞ്ഞത് നിയമത്തിനും ജനാധിപത്യ മര്യാദകള്ക്കും അധികാരമേറ്റപ്പോള് നടത്തിയ സത്യപ്രതിജ്ഞയ്ക്കും വിരുദ്ധമായിട്ട് ഊരിയ കുറ്റി പുനസ്ഥാച്ചതിനും സമരക്കാരെ തീവ്രവാദികള് എന്ന് വിളിച്ച് അധിക്ഷേപിച്ചതിനും എതിരെ കെ – റെയില് സില്വര് ലൈന് വിരുദ്ധ ജനകീയ സമിതി കൊഴുവല്ലൂര് സിഎസ്ഐ പള്ളി ജംഗ്ഷനില് പ്രതിഷേധ യോഗം സംഘടിപ്പിച്ചു. കൊഴുവല്ലൂരില് നടന്ന യോഗം ജില്ലാ രക്ഷാധികാരി ആര്.പാര്ഥസാരഥി വര്മ്മ ഉദ്ഘാടനം ചെയ്തു. ജില്ലാ കണ്വീനര് മധു ചെങ്ങന്നൂര് അദ്ധ്യക്ഷത വഹിച്ചു. ടി.കോശി, സിന്ധു ജേയിംസ് എന്നിവര് പ്രസംഗിച്ചു. സമരക്കാരെ മന്ത്രി സജി ചെറിയാന് തീവ്രവാദികള് എന്ന് വിളിച്ച് അധിക്ഷേപിച്ചതില് പ്രതിഷേധിച്ച് എസ്.യു.സി.ഐ ഇന്ന് വൈകിട്ട് നാലിന് ചെങ്ങന്നൂരില് പ്രതിഷേധ പ്രകടനവും മാര്ക്കറ്റ് റോഡില് പൊതുസമ്മേളനവും നടത്തും.
