മല്ലപ്പള്ളി : എഴുമറ്റൂർ ഗവ.ഹയർ സെക്കൻഡറി സ്കൂളിൽ സാമൂഹിക വിരുദ്ധരുടെ ശല്യം. കഴിഞ്ഞ രാത്രിയിൽ സ്കൂൾ ബസിന്റെ ഹെഡ് ലൈറ്റ് ഗ്ലാസുകളും ബ്ലാക്ക് ബോർഡും നശിപ്പിച്ചു. ക്ലാസ് മുറിയുടെ ഭിത്തിയിൽ ‘കണ്ടുപിടിക്കാമോ’ എന്ന് എഴുതിവച്ചിട്ടുമുണ്ട്. നിർമാണം നടക്കുന്ന മാലിന്യ സംസ്കരണ പ്ലാന്റിലേക്ക് ഉപയോഗിക്കാനുള്ള പെയിന്റാണ് ഇതിനെടുത്തത്. പ്രിൻസിപ്പലിന്റെ പരാതി പ്രകാരം പെരുമ്പെട്ടി പോലീസ് അന്വേഷണം ആരംഭിച്ചു.
