പത്തനംതിട്ട : കേരള കര്ഷകതൊഴിലാളി ക്ഷേമനിധി ബോര്ഡിന്റെ പത്തനംതിട്ട ജില്ലാ ഓഫീസില് അംഗങ്ങളായ കര്ഷകതൊഴിലാളികളുടെ മക്കള്ക്ക് 2024-2025 അദ്ധ്യനവര്ഷത്തെ വിദ്യാഭ്യാസ അവാര്ഡിനുളള അപേക്ഷ ക്ഷണിച്ചു. 2024-2025 അദ്ധ്യയന വര്ഷത്തില് സര്ക്കാര്/എയ്ഡഡ് സ്കൂളില് കേരള സ്റ്റേറ്റ് സിലബസില് പഠിച്ചവരും ആദ്യ ചാന്സില് എസ്.എസ്.എല്.സി./ടി.എച്ച്.എസ്.എല്.സി പരീക്ഷയില് 75 പോയിന്റ് കുറയാതെ മാര്ക്ക് നേടിയവര്ക്കും, പ്ലസ്ടു/വി എച്ച് എസ് സി അവസാന വര്ഷ പരീക്ഷയില് 85 ശതമാനത്തില് കുറയാതെ മാര്ക്ക് നേടിയവര്ക്കും അപേക്ഷിക്കാം.
SC/ST വിഭാഗത്തില്പ്പെട്ടവരില് എസ്.എസ്.എല്.സി യ്ക്ക് 70 പോയിന്റും പ്ലസ് ടു വിന് 80 ശതമാനവും മാര്ക്ക് ലഭിച്ചവര് അവാര്ഡിന് അര്ഹരാണ്. പരീക്ഷാ തീയതിയിലും അപേക്ഷാ തീയതിയിലും അംഗത്തിന് 24 മാസത്തില് കൂടുതല് കുടിശിക ഉണ്ടായിരിക്കാന് പാടില്ല. എസ്.എസ്.എല്.സി. പരീക്ഷയില് ഓരോ വിഷയത്തിനും ലഭിച്ച ഗ്രേഡിനെ അടിസ്ഥാനപ്പെടുത്തി A+=9, A=8, B+=7, B=6, C+=5, C=4, E+=3 എന്നിങ്ങനെ പോയിന്റ് കണക്കാക്കാം.
മാര്ക്ക് ലിസ്റ്റ് , ട്രാന്സ്ഫര് സര്ട്ടിഫിക്കറ്റ്, ക്ഷേമനിധി പാസുബുക്ക്, ആധാര്കാര്ഡ്, ബാങ്ക് പാസുബുക്ക്, ബന്ധം തെളിയിക്കുന്ന രേഖ എന്നിവയുടെ പകര്പ്പ്, കര്ഷക തൊഴിലാളിയാണെന്ന് തെളിയിക്കുന്ന യൂണിയന് സാക്ഷ്യപത്രം, SC/ST വിഭാഗത്തില്പ്പെട്ടവര്ക്ക് ജാതി തെളിയിക്കുന്ന രേഖ എന്നിവ അപേക്ഷയോടൊപ്പം നല്കണം. അപേക്ഷാഫോമിന്റെ മാതൃക www.agriworkersfund.org എന്ന വെബ്സൈറ്റില് ലഭിക്കും. അപേക്ഷ ക്ഷേമനിധി ബോര്ഡിന്റെ ജില്ലാ എക്സിക്യൂട്ടീവ് ഓഫീസില് 30/08/2025-ന് വൈകിട്ട് 5മണി വരെ സ്വീകരിക്കുന്നതാണ്. ഫോണ് : 0468-2327415.
