ഇടുക്കി: അരിക്കൊമ്പന് ജനവാസമേഖലയിലേക്ക് കടന്നതോടെ മേഘമലയില് 144 പ്രഖ്യാപിക്കാന് സാധ്യത. മേഘമല പ്രദേശത്തെ ജനങ്ങള്ക്ക് ജാഗ്രതാ നിര്ദേശം നല്കി. ഇന്നലെ രാത്രി ഹൈവേസ് ഡാമിന് സമീപമാണ് കൊമ്പനിറങ്ങിയത്. തമിഴ്നാട്ടിലെ ഹൈവേസ് ഡാമിന് സമീപം കൃഷി നശിപ്പിക്കാന് അരിക്കൊമ്പന് ശ്രമിച്ചു. വനം വകുപ്പ് ഉന്നത ഉദ്യോഗസ്ഥര് മേഘമലയില് ക്യാമ്പ് ചെയ്യുകയാണ്.
വിനോദ സഞ്ചാരികള് വനമേഖലയില് കടക്കുന്നതിന് പൂര്ണ വിലക്ക് ഏര്പ്പെടുത്തിയിട്ടുണ്ട്. അരിക്കൊമ്പന് മേഘമല പ്രദേശത്ത് തുടരുന്നതായാണ് വിലയിരുത്തല്. തമിഴ്നാട് വന മേഖലയിലാണ് അരിക്കൊമ്പന് ഇപ്പോഴുള്ളത്. അതേസമയം, മഴ മേഘങ്ങള് കാരണം ഇപ്പോള് അരിക്കൊമ്പന്റെ സിഗ്നല് ലഭിക്കുന്നില്ല.
