കോഴഞ്ചേരി : ദേശിയ അസംഘടിത തൊഴിലാളി കോൺഗ്രസ് ആറന്മുള നിയോജക മണ്ഡലം കമ്മിറ്റിയുടെ ഇ – ശ്രമം കാർഡ് രജിസ്ട്രേഷൻ ക്യാമ്പും കാർഡ് വിതരണവും പത്തനംതിട്ട ജില്ലാ പ്രസിഡന്റ് നഹാസ് പത്തനംതിട്ട ഉദ്ഘാടനം ചെയ്തു. ജില്ലയിലെ എല്ലാ മണ്ഡലങ്ങളിലും സൗജന്യ രജിസ്ട്രേഷൻ ക്യാമ്പുകൾ സംഘടിപ്പിച്ച് വരികയാണെന്ന് നഹാസ് പറഞ്ഞു.
കാർഡ് വിതരണം കോൺഗ്രസ് മണ്ഡലം പ്രസിഡന്റ് ജിജി ചെറിയാൻ മാത്യു നിർവഹിച്ചു. നിയോജക മണ്ഡലം പ്രസിഡന്റ് ജിതിൻ രാജ് അധ്യക്ഷത വഹിച്ചു. ബ്ലോക്ക് പഞ്ചായത്ത് അംഗം സാലി ലാലു പുന്നക്കാട്, പഞ്ചായത്ത് അംഗം ഷിബു കാഞ്ഞിക്കൽ, യൂത്ത് കോൺഗ്രസ് ആറന്മുള നിയോജക മണ്ഡലം വൈസ് പ്രസിഡന്റ് റെന്നി രാജു, അസംഘടിത തൊഴിലാളി കോൺഗ്രസ് മല്ലപ്പുഴശ്ശേരി മണ്ഡലം പ്രസിഡന്റ് ജോസഫ് വിജയ് എന്നിവർ പ്രസംഗിച്ചു. ടെറിൻ ജോർജ്, ജെബിൻ കുഴിക്കാലാ, ഷിലൻ മറിയം ജോസഫ്, ഷിൻസി മറിയം, അച്ചൻകുഞ്ഞു നെല്ലിക്കാല എന്നിവർ പരിപാടികള്ക്ക് നേതൃത്വം നൽകി.