ചാരുംമൂട് : ബാറില് ജോലിയിലേര്പ്പെട്ടിരുന്ന ജീവനക്കാരനെ സംഘം ചേര്ന്ന് മര്ദിച്ച സംഭവത്തില് മൂന്ന് പേര് അറസ്റ്റില്. ചാരുംമൂട്ടിലെ ബാര് ജീവനക്കാരനായ കാര്ത്തികപ്പള്ളി മഹാദേവികാട് വലിയവീട്ടില് കിഴക്കതില് ശ്രീജിത്തിനെ (32) മര്ദിച്ച സംഭവത്തിലാണ് നൂറനാട് കിടങ്ങയം അരുണ് നിവാസില് അരുണ് കുമാര് (28), പള്ളിക്കല് പഴകുളം അയത്തില് കോണില് വീട്ടില് അലി മിയാന് ( 27 ), നൂറനാട് പഴഞ്ഞിയൂര്ക്കോണം നന്ദനം വീട്ടില് മിഥുന് (29) എന്നിവരെ നൂറനാട് പോലീസ് അറസ്റ്റ് ചെയ്തത്.
ചാരുംമൂട് ജങ്ഷന് കിഴക്ക് ഭാഗത്ത് പ്രവര്ത്തിക്കുന്ന ബാറില് കഴിഞ്ഞ 19ന് വൈകീട്ട് ആറരയോടെയായിരുന്നു സംഭവം. അലിമിയാനും മിഥുനും മദ്യപിക്കാനെത്തുകയും ജീവനക്കാരുമായി മനഃപൂര്വം പ്രശ്നങ്ങളുണ്ടാക്കുകയും ചെയ്തുവെന്നാണ് ആരോപണം. ബാറില്നിന്നു പോയ ഇവര് സുഹൃത്തായ അരുണുമായെത്തി വടിവാള് ഉപയോഗിച്ച് കൗണ്ടറിലുണ്ടായിരുന്ന ശ്രീജിത്തിനെ ആക്രമിച്ചു. വിവരമറിഞ്ഞെത്തിയ പോലീസിനെ കണ്ട് പ്രതികള് രക്ഷപ്പെട്ടു.
സിഐ പി.ശ്രീജിത്, എസ്ഐ മാരായ മഹേഷ്, ബാബുക്കുട്ടന് സി.പി.ഒ മാരായ വിഷ്ണു, രഞ്ജിത്ത്, ഇസ്ലാഹ് എന്നിവരുള്പ്പെട്ട സംഘം നൂറനാട്ടുള്ള സ്വകാര്യ ആശുപത്രി പരിസരത്തുനിന്നുമാണ് പ്രതികളെ പിടികൂടിയത്. ഇവര് സഞ്ചരിച്ചിരുന്ന കാറും അതിലുണ്ടായിരുന്ന വടിവാളും പോലീസ് കസ്റ്റഡിയിലെടുത്തു. പിടിയിലായവര് നിരവധി ക്രിമിനല് കേസുകളിലെ പ്രതികളാണെന്നും പോലീസ് പറഞ്ഞു. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു.
