പത്തനംതിട്ട: വ്യാജരേഖ ചമച്ച് ഇന്ഷുറന്സ് തട്ടിയെടുക്കാന് ശ്രമിച്ച കേസില് ഗ്രേഡ് എസ്ഐക്കെതിരെ കേസെടുത്തു. റൂറല് എസ്പിയുടെ നിര്ദ്ദേശപ്രകാരമാണ് വട്ടപ്പാറ പോലീസ് കേസെടുത്തത്. 2019 വട്ടപ്പാറ സ്റ്റേഷന് എഎസ്ഐ ആയിരുന്ന ഷായ്ക്ക് എതിരെയാണ് കേസ്. ഇന്ഷുറന്സ് തട്ടിയെടുക്കാന് ശ്രമിച്ച കേസിലെ രണ്ടാം പ്രതിയാണ് ഷാ. നിലവില് പത്തനംതിട്ടയില് ഗ്രേഡ് എസ്ഐ ആയ പോത്തന്കോട് സ്വദേശി ഷായ്ക്ക് എതിരെയാണ് വട്ടപ്പാറ പോലീസ് കേസ് രജിസ്റ്റര് ചെയ്തത്.
2019ല് ഇന്ഷുറന്സ് തട്ടാനായി ഒന്നാം പ്രതിയുമായി ചേര്ന്ന് ഷാ അപകടം നടന്നതായി കണ്ടെത്തി 161/19 എന്ന നമ്പരില് വ്യാജമായി കേസ് രജിസ്റ്റര് ചെയ്യുകയായിരുന്നു. കൂടാതെ എസ്എച്ച്ഒ യുടെ വ്യാജ ഒപ്പിട്ട് കോടതിയില് രേഖകള് സമര്പ്പിച്ചു എന്നുമാണ് കണ്ടെത്തല്. ഇത് സംബന്ധിച്ച് ന്യൂ ഇന്ത്യ ഇഷുറന്സ് കമ്പനി നടത്തിയ അന്വേഷണത്തിലാണ് ഈ അപകടം വ്യാജമായി സൃഷ്ടിച്ചതാണെന്ന് കണ്ടെത്തിയത്. തുടര്ന്ന് ഇന്ഷുറന്സ് കമ്പനി റൂറില് എസ്.പിക്ക് പരാതി നല്കുകയായിരുന്നു.
