കൊല്ലം : കുണ്ടറയില് വീട്ടുമുറ്റത്ത് നിര്ത്തിയിട്ടിരുന്ന ഓട്ടോ സാമൂഹ്യ വിരുദ്ധര് തീ വെച്ചു നശിപ്പിച്ചു. കുണ്ടറ പാലമുക്കല് വിജയന്റെ ഓട്ടോയാണ് കത്തി നശിച്ചത്. സംഭവത്തില് പോലീസ് അന്വേഷണം ആരംഭിച്ചു. വെളുപ്പിന് 3 മണിക്കായിരുന്നു വീടിന് മുന്നില് നിര്ത്തിയിട്ട ഓട്ടോക്ക് തീ പിടിച്ചത്. കണ്ണനല്ലൂര് പാലമുക്ക് സ്റ്റാന്ഡിലാണ് വിജയന് ഓട്ടോ ഓടുന്നത്. ഓട്ടം കഴിഞ്ഞ് വൈകിട്ട് വീടിന് മുന്നില് നിര്ത്തിയിട്ടതായിരുന്നു. വെളുപ്പിന് 2.30 ഓടെ വീടിന് പുറത്ത് വലിയ ശബ്ദം കേട്ട് വിജയന് പുറത്തിറങ്ങി നോക്കി. എന്നാല് ആസ്വഭാവികമായി ഒന്നും കണ്ടില്ല. വിജയന് വീടിനുള്ളില് കയറി 15 മിനിറ്റ് കഴിഞ്ഞപ്പോള് ഓട്ടോക്ക് തീ പിടിച്ചു. തീ ആളിക്കത്തുന്നത് കണ്ട് വിജയനും കുടുംബവും പുറത്തിറങ്ങി. നാട്ടുകാരുടെ സഹായത്തോടെയാണ് തീ അണച്ചത്.
കുണ്ടറയില് വീട്ടുമുറ്റത്ത് നിര്ത്തിയിട്ടിരുന്ന ഓട്ടോ സാമൂഹ്യ വിരുദ്ധര് തീ വെച്ചു നശിപ്പിച്ചു
RECENT NEWS
Advertisment