റാന്നി: പഴവങ്ങാടി ഗ്രാമ പഞ്ചായത്ത് കുടുംബശ്രീ സി.ഡി.എസ് വാർഡ് ഒന്നിലെ എ.ഡി.എസ് എന്നിവയുടെ നേതൃത്വത്തില് ആയുർവേദ മെഡിക്കൽ ക്യാമ്പും സൗജന്യ മരുന്ന് വിതരണവും ആരോഗ്യ ബോധവത്ക്കരണ ക്ലാസ്സും നടത്തി. തൃശൂര് തൈക്കാട് മൂസ് എസ്.എൻ.എ ഔഷധശാലയും ചേത്തക്കൽ പുതുമന ആയുർവേദിക്സും നേത്വത്വം നൽകിയ മെഡിക്കൽ ക്യാമ്പ് സി.ഡി.എസ് ചെയർപേഴ്സൺ നിഷാ രാജീവ് ഉദ്ഘാടനം ചെയ്തു. എ.ഡി.എസ് പ്രസിഡന്റ് ജയ ബൈജു അദ്ധ്യക്ഷത വഹിച്ചു. ആരോഗ്യ ബോധവത്ക്കരണ ക്ലാസ്സ് ഡോ. ഉഷാ കെ. പുതുമന നയിച്ചു. ഡോ. അജേഷ്, ഡോ. ധന്യ, ജോമോന് സി.ചാത്തനാട്ട്, സാറാമ്മജോൺ, ക്രിസ്റ്റഫർ, ഓമന രവി, സജിൻകുമാർ, രാഹുൽ, വിനിത്, ഇ.ടി അനിത എന്നിവര് പ്രസംഗിച്ചു.
