കൊല്ലം : ജില്ലയിലെ സ്വകാര്യ മേഖലയിൽ ആരംഭിച്ച ആദ്യത്തെ ഓക്സിജൻ പ്ലാന്റ് അസീസിയ മെഡിക്കൽ കോളേജ് ഹോസ്പിറ്റലിൽ ജില്ലാ മെഡിക്കൽ ഓഫീസർ ഡോ.ബിന്ദു മോഹൻ ഉത്ഘാടനം ചെയ്തു. അസിസിയ ഡയറക്ടർ ഡോ.അനസ് അസീസ്, മെഡിക്കൽ സുപ്രണ്ട് ഡോ.എ സന്തോഷ് കുമാർ, മെഡിക്കൽ, ഡെന്റൽ, നഴ്സിംഗ് കോളേജ് പ്രിൻസിപ്പൽമാര് എന്നിവർ ചടങ്ങിൽ പങ്കെടുത്തു.
അന്തരീക്ഷത്തിൽ നിന്നും വായു വലിച്ചെടുത്തു കംപ്രഷൻ നടത്തി ആഡ്സോർപ്ഷൻ എന്ന സാങ്കേതിക വിദ്യയിലൂടെ ഓക്സിജൻ സാന്ദ്രത 97% വരെ ആക്കി മാറ്റുന്നതാണ് പ്രവർത്തനം. 24 മണിക്കൂറും പ്രവർത്തിക്കുന്ന പ്ലാന്റ് 1500 ലിറ്റർ ശേഷി ഉള്ളതാണ്. 97% വരെ ശുദ്ധമായ ഓക്സിജൻ ആണ് ലഭിക്കുന്നത്. ഇത് കൂടാതെ ലിക്വിഡ് ഓക്സിജൻ പ്ലാന്റ്റും മാനിഷോൾഡ് സിലിണ്ടർ ഓക്സിജൻ സംവിധാനവും അസീസിയിൽ നിലവിലുണ്ട്. ഏതൊരു അടിയന്തിര സാഹചര്യം നേരിടുവാനും ഓക്സിജൻ ലഭ്യതയിൽ സ്വയം പര്യാപ്തതയിലേക്ക് എത്തുവാനും അസീസിയ മെഡിക്കൽ കോളേജിന് കഴിഞ്ഞതായി ഡയറക്ടർ പറഞ്ഞു.
