കോട്ടാങ്ങല്: സി.പി.ഐ കോട്ടാങ്ങല് ലോക്കല് കമ്മിറ്റിയുടെ നേതൃത്വത്തില് ബാലവേദി ബാലോത്സവവും പ്രതിഭകളെ ആദരിക്കലും നടത്തി. വായ്പ്പൂര് സര്വ്വീസ് സഹകരണ ബാങ്ക് ഓഡിറ്റോറിയത്തില് നടന്ന പരിപാടി ജില്ലാ പഞ്ചായത്തംഗം ശ്രീനാദേവി കുഞ്ഞമ്മ ഉദ്ഘാടനം ചെയ്തു. കോട്ടാങ്ങല് ഗ്രാമപഞ്ചായത്തംഗം കെ.ആര് കരുണാകരന് അധ്യക്ഷത വഹിച്ചു. പ്രതിഭകളെ ആദരിക്കല് ജില്ലാ പഞ്ചായത്തംഗം രാജി പി.രാജപ്പന് നിര്വ്വഹിച്ചു.
സി.പി.ഐ എഴുമറ്റൂര് മണ്ഡലം സെക്രട്ടറി കെ സതീശ്, അസിസ്റ്റന്റ് സെക്രട്ടറി അനീഷ് ചുങ്കപ്പാറ, കോട്ടാങ്ങല് ലോക്കല് സെക്രട്ടറി പി.പി സോമന്,ഉഷാ ശ്രീകുമാര്, സി.എച്ച് ഫസീലാബീവി, എം.എ ഷാജി, അലിയാര് കാച്ചാണില് എന്നിവര് പ്രസംഗിച്ചു. ഭാരവാഹികളായി കെ.ആര് കരുണാകരന് (രക്ഷാധികാരി), സൂര്യദത്ത് (പ്രസിഡന്റ്), ഷെമീര് നജീബ്(സെക്രട്ടറി) എന്നിവരെ തിരഞ്ഞെടുത്തു.
