കോന്നി : പുരോഗമന കലാ സാഹിത്യ സംഘം കൊടുമൺ ഏരിയ കൺവെൻഷൻ പുരോഗമന കലാ സാഹിത്യ ജില്ലാ സെക്രട്ടറി അഡ്വ സുധീഷ് വെൺപാല ഉദ്ഘാടനം ചെയ്തു. ഏരിയ പ്രസിഡണ്ട് രവീന്ദ്രൻ നായർ അധ്യക്ഷത വഹിച്ചു. സംഘാടക സമിതി ചെയർമാൻ എസ് രാജേഷ് സ്വാഗതം ആശംസിച്ചു. കൊടുമൺ ഫിനാൻഷ്യൽ കോപ്പറേറ്റീവ് സൊസൈറ്റി പ്രസിഡണ്ട് എ എൻ സലിം, കലഞ്ഞൂർ ഗ്രാമ പഞ്ചായത്ത് പ്രസിഡണ്ട് റ്റി വി പുഷ്പവല്ലി, മുൻ പഞ്ചായത്ത് പ്രസിഡണ്ട് എം മനോജ് കുമാർ, കലഞ്ഞൂർ സർവീസ് സഹകരണ ബാങ്ക് പ്രസിഡണ്ട് ആർ ശ്രീകുമാരൻ നായർ, ഏരിയ സെക്രട്ടറി രാജഗോപാൽ, മേഖല പ്രസിഡന്റ് വർഗീസ് മാത്യു എന്നിവർ സംസാരിച്ചു.
വിവിധ മേഖലകളിൽ പ്രവർത്തിക്കുന്നവരെ ചടങ്ങിൽ അനുമോദിച്ചു. വർഗീസ് മാത്യു(പ്രസിഡണ്ട്), സുശീല കമൽ, ഷെമിൽ (വൈസ് പ്രസിഡണ്ട്മാർ), പി രാജഗോപാൽ(സെക്രട്ടറി), എസ് രാജേഷ്, ബി സതികുമാരി(ജോയിന്റ് സെക്രട്ടറിമാർ), കെ എസ്അജി (ട്രഷറർ) എന്നിവരെ ഭാരവാഹികൾ ആയി തെരഞ്ഞെടുത്തു.
