പത്തനംതിട്ട : ദൈവദശകം ദേശീയ പ്രാർത്ഥനാഗീതം ആക്കണമെന്ന് എസ്എൻഡിപി യോഗം പത്തനംതിട്ട യൂണിയൻ പ്രസിഡന്റ് കെ പത്മകുമാർ ആവശ്യപ്പെട്ടു. ഗുരുദേവ കൃതികൾ പഠിക്കാനും ഗുരുദേവദർശനത്തിന്റെ പ്രസക്തി ഉയർത്തിപ്പിടിക്കുവാനും എല്ലാ വിഭാഗം ജനങ്ങളും മുന്നോട്ടുവരുന്നത് നാടിന് അഭിമാനിക്കാൻ വക നൽകുന്നു. ലോകത്തിന് സമാധാനവും ശ്രേയസ്സും അഭിവൃദ്ധിയും നൽകുവാൻ ഗുരുദേവ സന്ദേശങ്ങൾക്ക് കഴിയുന്നു. ഭാരതം ഗുരുദേവന്റെ പ്രഭാവം തിരിച്ചറിഞ്ഞു തുടങ്ങിയിരിക്കുന്നു. ജാതിമതഭേദമന്യേ ഏവർക്കും ഒറ്റ മനസ്സോടെ പ്രവർത്തിക്കുവാനും ചിന്തിക്കുവാനും കഴിയണമെന്നും അദ്ദേഹം പറഞ്ഞു.
