ന്യൂഡല്ഹി : ബിഡിജെഎസിനെ ചൊല്ലിയുള്ള സുഭാഷ് വാസുവിന്റെ അവകാശ വാദം തള്ളി കേന്ദ്ര തിരഞ്ഞെടുപ്പ് കമ്മീഷന്. തുഷാര് വെള്ളാപ്പള്ളിയുടെ നേതൃത്വത്തിലുള്ള ബിഡിജെഎസിന് തിരഞ്ഞെടുപ്പ് കമ്മീഷന് അംഗീകാരം നല്കി.
യഥാര്ത്ഥ ബിഡിജെഎസ് തങ്ങളാണെന്ന വാദവുമായി സുഭാഷ് വാസുവാണ് തിരഞ്ഞെടുപ്പ് കമ്മീഷനെ സമീപിച്ചത്.
ഇരുവിഭാഗത്തിന്റേയും വാദം കേട്ട ശേഷം തുഷാര് വിഭാഗത്തിന് കമ്മീഷന് അംഗീകാരം നല്കുകയായിരുന്നു. തുഷാര് വെള്ളാപ്പള്ളി പ്രസിഡന്റും എ.ജി.തങ്കപ്പന് വൈസ് പ്രസിഡന്റായും രാജേഷ് നെടുമങ്ങാട് ജനറല് സെക്രട്ടറിയുമായ ഭരണസമിതിക്കാണ് കമ്മീഷന് അംഗീകാരം നല്കിയത്.
കഴിഞ്ഞ ദിവസം തുഷാര് വെള്ളാപ്പള്ളി ഡല്ഹിയിലെത്തി ബിജെപി അധ്യക്ഷന് ജെ.പി.നഡ്ഡയടക്കമുള്ളവരുമായി ചര്ച്ച നടത്തിയിരുന്നു.
