മനാമ : ബഹ്റൈനില് താമസസ്ഥലത്ത് അബോധാവസ്ഥയില് കണ്ടെത്തിയ അഞ്ച് മലയാളികളില് ഒരാള് കൂടി മരിച്ചു. ഇതോടെ മരിച്ചവരുടെ എണ്ണം രണ്ടായി. തൃശൂര് ചെന്ത്രാപിന്നി വെളമ്പത്ത് അശോകന്റെ മകന് രജീഷ്(39), വെളമ്പത്ത് സരസന്റെ മകന് ജില്സു (31) എന്നിവരാണ് മരിച്ചത്. മൂന്നു പേര് ഗുരുതര നിലയില് ചികിത്സയിലാണ്.
ബഹ്റൈനിലെ റിഫക്കടുത്ത് ഹജിയാത്തില് ന്യൂ സണ്ലൈറ്റ് ഗാരേജിലെ ജീവനക്കാരാണ് മൂന്നുപേര്. ഇവരുടെ സുഹൃത്തുക്കളാണ് മറ്റ് രണ്ട്പേര്. ശനിയാഴ്ച രാവിലെ വർക്ഷോപ് തുറക്കാത്തതിനാല് അന്വേഷിച്ചെത്തിയവരാണ് താമസസ്ഥലത്ത് അബോധാവസ്ഥയില് കണ്ടെത്തിയത്.
തുടര്ന്ന് പോലീസിനെ വിവരമറിയിച്ചു. പോലീസ് എത്തിയാണ് ഇവരെ ആശുപത്രിയിലേയ്ക്ക് മാറ്റിയത്. മായയാണ് രജീഷിന്റെ ഭാര്യ. ഹിരണ്യ മകളാണ്.
