കാസർഗോഡ്: ബേക്കൽ ഇന്റർനാഷണൽ ബീച്ച് ഫെസ്റ്റിവൽ ഉദ്ഘാടനം നിർവഹിച്ച് മുഖ്യമന്ത്രി പിണറായി വിജയൻ. 10 ദിവസം നീണ്ടുനിൽക്കുന്ന ഫെസ്റ്റിന്റെ സവിശേഷതകൾ മുമ്പൊരിക്കലും കണ്ടിട്ടില്ലാത്തതാണ്.ഹെലികോപ്റ്റർ സവാരികൾ, ഫ്ലോട്ടിംഗ് ബ്രിഡ്ജുകൾ, റോബോട്ടിക് ഷോകൾ, സസ്യങ്ങളുടെ പ്രദർശനങ്ങൾ, വൈവിധ്യമാർന്ന വിഭവങ്ങൾ പരിചയപ്പെടുത്തുന്ന റെസ്റ്റോറന്റുകൾ, നിരവധി പ്രദർശന- വിൽപ്പന സ്റ്റാളുകൾ എന്നിവ മേളയിൽ പ്രദർശിപ്പിക്കും.
അന്തർദേശീയ തലത്തിൽ പ്രശസ്തരായ കലാകാരൻമാർ അവതരിപ്പിക്കുന്ന സാംസ്കാരിക പരിപാടികളും സന്ദർശകർക്കായി തയ്യാറാക്കിയിട്ടുണ്ട്. 200 ലധികം സ്റ്റാളുകള് ഉണ്ടാകും. സി.എച്ച് കുഞ്ഞമ്പു എം.എൽ.എ അധ്യക്ഷത വഹിച്ച ചടങ്ങിൽ മന്ത്രി അഹമ്മദ് ദേവർകോവിൽ റോബോട്ടിക്സ് ഷോയും രാജ്മോഹൻ ഉണ്ണിത്താൻ എം.പി പുഷ്പപ്രദര്ശനവും ഉദ്ഘാടനം ചെയ്തു.
