കോഴിക്കോട് : മോഷ്ടാവ് കമ്പിപ്പാരയ്ക്ക് അടിച്ചു പരിക്കേല്പ്പിച്ചു. ബീവറേജസ് കോര്പറേഷന് സെക്യൂരിറ്റി ജീവനക്കരന് ഗുരുതരാവസ്ഥയില്. പാവമണി റോഡിലെ ബിവറേജസ് കോര്പറേഷന് മദ്യക്കടയില് മോഷണം ചെറുത്ത സുരക്ഷാ ജീവനക്കാരന് തലക്കടിയേറ്റ് പരിക്ക്. കുരുവട്ടൂര് സ്വദേശി ദിനേശനെയാണ് മോഷ്ടാവ് കമ്പിപ്പാരകൊണ്ട് അടിച്ചത്. കഴിഞ്ഞ ദിവസം അര്ധരാത്രിയായിരുന്നു സംഭവം. പ്രീമിയം കൗണ്ടറായി പ്രവര്ത്തിക്കുന്ന രണ്ടാംനിലയിലെ കടയിലാണ് മോഷ്ടാവ് കയറിയത്. ഇരുമ്പ് ഗ്രില് പൊളിച്ചാണ് ഇയാള് അകത്തെത്തിയത്.
ശബ്ദം കേട്ട് താഴെനിന്നെത്തിയ ദിനേശന് മോഷ്ടാവിനെ പിടികൂടാന് ശ്രമിക്കുന്നതിനിടെയാണ് തലക്കടിയേറ്റത്. ഈ വഴി പോയിരുന്ന പോലീസ് സംഘം ദിനേശന്റെ നിലവിളി കേട്ട് എത്തിയതോടെ മോഷ്ടാവ് രക്ഷപ്പെട്ടു. പരിക്കേറ്റ ഇദ്ദേഹത്തെ മെഡിക്കല് കോളജ് ആശുപത്രിയില് പ്രവേശിപ്പിച്ചു. തലക്കും കണ്ണിന് സമീപവും പരിക്കേറ്റ ദിനേശന് ബുധനാഴ്ച ആശുപത്രി വിട്ടു. കസബ പോലീസ് കേസെടുത്ത് അന്വേഷണം തുടങ്ങി. ഡോഗ് സ്വകാഡ് അടക്കമുള്ള സംഘം സ്ഥലത്തെത്തിയിരുന്നു.
