ചെങ്ങന്നൂര് : ബിവറേജസ് ഔട്ട്ലറ്റില് നിന്ന് മൂന്ന് തവണ മദ്യം മോഷ്ടിച്ചയാള് നാലാം തവണ പിടിയിലായി. ചെങ്ങന്നൂര് ബിവറേജസ് ഔട്ട്ലറ്റിലെ പ്രീമിയം കൗണ്ടറില് നിന്നും വില കൂടിയ വിദേശ മദ്യം മോഷ്ടിക്കവെയാണ് പിടിയിലായത്.ഓതറ കോഴിമല തൈപ്പറമ്ബില് വീട്ടില് ശ്രീനിവാസന് (43) ആണ് അറസ്റ്റിലായത്. ഇയാളെ റിമാന്ഡ് ചെയ്തു.
പ്രീമിയം കൗണ്ടറില് നിന്നും മോഷ്ടിച്ച 1800 രൂപ വില വരുന്ന രണ്ട് കുപ്പി മദ്യം അടിവസ്ത്രത്തിലൊളിപ്പിച്ച് കടക്കാന് ശ്രമിക്കുന്നതിനിടയിലാണ് ജീവനക്കാര് പിടികൂടിയത്. ഇവിടെ നിന്നും നേരത്തെ മൂന്ന് തവണ സമാനമായ രീതിയില് ഇയാള് മദ്യം കടത്തിയിരുന്നു. തുടര്ന്ന് പോലീസില് ഏല്പ്പിക്കുകയായിരുന്നു.
