റാന്നി : വടശ്ശേരിക്കര പേഴുംപാറ പി ഐ പി യുടെ ഉടസ്ഥയിലുള്ള വസ്തുവിലെ പഴക്കം ചെന്ന മരങ്ങൾ സമീപവാസികൾക്ക് ഭീഷണിയാവുന്നു. ഞായറാഴ്ച വൈകുന്നേരം ഉണ്ടായ ശക്തമായ കാറ്റിലും മഴയിലും മരം കടപുഴകി സമീപവാസിയായ നെച്ചിക്കാട്ടിൽ സെബാസ്റ്റ്യന്റെ വീടിൻറെ മുറ്റത്തേക്ക് വീണു. മരംവീണ് കൃഷികൾക്കും നാശനഷ്ടമുണ്ടായി. കടപുഴകിവീണ മരത്തിനു സമീപം നിന്നിരുന്ന രണ്ട് കൂറ്റൻ മരങ്ങൾ ഏതുനിമിഷവും നിലംപതിക്കാവുന്ന രീതിയിൽ നിൽക്കുകയാണ്. എത്രയും പെട്ടെന്ന് ഈ മരങ്ങൾ മുറിച്ചുമാറ്റിയില്ലെങ്കിൽ വൻ അപകടം ഉണ്ടാകാൻ സാധ്യതയുണ്ട്. സമീപത്തുള്ള വീടുകൾക്ക് ഈ മരങ്ങൾ വൻ ഭീഷണിയാണ് ഉയര്ത്തുന്നത്. പലതവണ ഇതു സംബന്ധിച്ചുള്ള പരാതികൾ അധികൃതരെ ധരിപ്പിച്ചിട്ടും ഇതുവരെ ഒരു നടപടിയും ഉണ്ടായില്ലെന്നും ആക്ഷേപമുണ്ട്. എത്രയും പെട്ടെന്ന് ഇതിന് പരിഹാരം ര ഉണ്ടാക്കണമെന്നാണ് സമീപവാസികളുടെ ആവശ്യം.
