ന്യൂഡല്ഹി : ബിഹാര് തിരഞ്ഞെടുപ്പില് വോട്ട് രേഖപ്പെടുത്താന് ആഹ്വാനം ചെയ്ത് പ്രധാനമന്ത്രി നരേന്ദ്രമോദി. കോവിഡ് മാനദണ്ഡങ്ങള് പാലിക്കണമെന്നും പ്രധാനമന്ത്രി നിര്ദേശിച്ചു. ബിഹാര് തിരഞ്ഞെടുപ്പിന്റെ ഒന്നാംഘട്ട വോട്ടിങ് ഇന്നാണ്.
എല്ലാ വോട്ടര്മാരും കോവിഡ് മാനദണ്ഡങ്ങള് പാലിച്ചുകൊണ്ട് ജനാധിപത്യത്തിന്റെ ഉത്സവത്തില് പങ്കുചേരാന് ഞാന് ആഹ്വാനം ചെയ്യുന്നു. രണ്ട് മീറ്റര് സാമൂഹിക അകലം പാലിക്കുന്നതും മാസ്ക് ധരിക്കുന്നതും ഉറപ്പാക്കണം.- പ്രധാനമന്ത്രി ട്വീറ്റ് ചെയ്തു.
ബിഹാറില് ഒന്നാംഘട്ട വോട്ടെടുപ്പ് പുരോഗമിക്കുകയാണ്. 71 മണ്ഡലങ്ങളിലേക്കാണ് ആദ്യഘട്ടത്തില് വോട്ടെടുപ്പ്. 71 നിയമസഭാ മണ്ഡലങ്ങളിലേക്ക് നടക്കുന്ന തിരഞ്ഞെടുപ്പില് 1,066 സ്ഥാനാര്ഥികളാണ് ജനവിധി നേടുന്നത്. 2.14 കോടി വോട്ടര്മാര് വിധിയെഴുതും.
