തിരുവനന്തപുരം: തിരുവനന്തപുരത്ത് നായ കടിച്ചതിനെ തുടര്ന്ന് ആശുപത്രിയില് ഇന്ജക്ഷന് എടുത്ത് മടങ്ങവെ ബൈക്ക് അപകടത്തില് യുവാവിന് ദാരുണാന്ത്യം. പൂവത്തൂര് കമല ഭവന് പണയില് വീട്ടില് മധുസൂദനന് നായര്, മിനി ദമ്പതികളുടെ മൂത്ത മകന് മിഥുന് (28) ആണ് മരിച്ചത്. ഗുരുതര പരിക്കേറ്റ് ആശുപത്രിയിലെത്തിച്ച മിഥുന് ചികിത്സയിലിരിക്കെയാണ് മരിച്ചത്.
തിങ്കളാഴ്ച രാവിലെ ജില്ലാ ആശുപത്രിക്ക് മുന്നിലായിരുന്നു അപകടം. തിങ്കളാഴ്ച രാവിലെയാണ് മിഥുനെ നായ കടിച്ചത്. ഇതിനെ തുടര്ന്ന് ഇന്ജക്ഷന് എടുക്കാന് ജില്ല ആശുപത്രിയില് എത്തിയതായിരുന്നു മിഥുന്. ഇന്ജക്ഷന് എടുത്ത ശേഷം തിരികെ ബൈക്കില് വീട്ടിലേക്ക് മടങ്ങവേ മാര്ക്കറ്റ് ജങ്ഷനില്നിന്നും വന്ന മറ്റൊരു ബൈക്ക് ഇടിച്ചാണ് അപകടം ഉണ്ടായത്.
