ആലപ്പുഴ : പുന്നപ്രയിൽ ബൈക്ക് വൈദ്യുതി പോസ്റ്റിലിടിച്ച് എഞ്ചിനിയറിങ് വിദ്യാർഥി മരിച്ചു. പുന്നപ്ര വാടയ്ക്കൽ ആഞ്ഞിലിപ്പറമ്പിൽ ജാക്സൺ ടിറ്റോയുടെയും മേരിയുടെയും മകൻ ഡിക്സൺ (22) ആണ് മരിച്ചത്. കളർകോട് വാടയ്ക്കൽ ഗുരുമന്ദിരം റോഡിലായിരുന്നു അപകടം. ആലപ്പുഴയിൽനിന്നും വീട്ടിലേക്ക് വരികയായിരുന്നു. പുന്നപ്ര സഹകരണ കോളേജിലെ എഞ്ചിനിയറിങ് അവസാനവർഷം ബിടെക് വിദ്യാർഥിയാണ്. മൃതദേഹം മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി. സഹോദരങ്ങൾ: ബ്രില്യന്റ്, ജയ്സൺ.
