കണ്ണൂര് : തളിപ്പറമ്പ് കൂര്ഗ് ബോര്ഡര് റോഡില് ബൈക്കും സ്കൂട്ടറും കൂട്ടിയിടിച്ച് ഉണ്ടായ അപകടത്തില് പരിക്കേറ്റ രണ്ട് യുവാക്കള് മരിച്ചു. ബുധനാഴ്ച്ച രാത്രി പത്തു മണിയോടെ കാഞ്ഞിരങ്ങാട് ആര്ടിഒ ഗ്രൗണ്ടിന് സമീപത്ത് വെച്ചായിരുന്നു അപകടം. സംഭവസ്ഥലത്തു വെച്ചുതന്നെ സ്കൂട്ടര് യാത്രക്കാരനായ നടുവില് സ്വദേശി കാഞ്ഞിരത്തുങ്കല് നിസാമുദ്ദീന് (29) മരിച്ചിരുന്നു. രാത്രി വൈകി കണ്ണൂരിലെ സ്വകാര്യ ആശുപത്രിയില് വെച്ച് ബൈക്ക് യാത്രക്കാരനായ കൂവേരി സ്വദേശിയായ അബിന് രാജും (21) മരണപ്പെട്ടു.
അബിന് രാജിനൊപ്പം യാത്ര ചെയ്തിരുന്ന അഭിനന്ദ് ഗുരുതരാവസ്ഥയില് പരിയാരത്തുള്ള കണ്ണൂര് ഗവണ്മെന്റ് മെഡിക്കല് കോളേജില് ചികിത്സയിലാണ്. അപകടത്തില് മരിച്ച നിസാമുദ്ദീന് ഒരു സ്വകാര്യ സ്ഥാപനത്തില് ജോലി ചെയ്തുവരികയാണ്. നടുവില് കാഞ്ഞിരത്തിങ്കല് നിസാര് മൈമൂനത്ത് ദമ്പതികളുടെ മകനാണ്. സഹോദരങ്ങള് – സിറാജുദ്ദീന്, താജുദ്ദീന്, ഫാത്തിമ, റുമൈസ. കൂവേരി സ്വദേശിയായ അബിന് രാജ് വിദ്യാര്ത്ഥിയാണ്. കൂവേരിയിലെ പ്രേമരാജന് സുനിജ ദമ്പതികളുടെ മകനാണ്. ഏക സഹോദരി ഐശ്വര്യ. ഇരുവരുടെയും മൃതദേഹം പോസ്റ്റ്മോര്ട്ടത്തിനു ശേഷം വിട്ടുകൊടുക്കും.
