കണ്ണൂര് : മദ്രസ കഴിഞ്ഞ് വീട്ടിലേക്ക് മടങ്ങുകയായിരുന്ന വിദ്യാര്ഥിയെ തട്ടികൊണ്ടു പോവാന് ശ്രമം. ഇന്ന് രാവിലെ 7.45 ഓടെയാണ് സംഭവം. മുഴക്കുന്ന് നെയ്യളത്ത് വെച്ചാണ് 12കാരനെ ഇരുചക്രവാഹനത്തിലെത്തിയ ഹെല്മറ്റ് ധരിച്ച തടഞ്ഞ് നിര്ത്തി ചോദ്യം ചെയ്യുകയും കൈക്ക് കയറിപിടിക്കുകയും ചെയ്തത്.
ഭയന്ന കുട്ടി കുതറിയോടി വീട്ടില് എത്തി രക്ഷിതാക്കളോട് വിവരം പറയുകയായിരുന്നു. തുടര്ന്ന് കുട്ടിയുടെ പിതാവ് മുഴക്കുന്ന് സ്റ്റേഷനില് വിവരമറിയിച്ചതോടെ എസ്ഐ സോബിന്റെ നേതൃത്വത്തില് പ്രദേശത്തെ നിരീക്ഷണ ക്യാമറകള് പരിശോധിച്ചു തുടങ്ങി. ബൈക്കിലെത്തിയ യുവാവിന്റെ സിസിടിവി ദൃശ്യങ്ങള് പോലീസിന് ലഭിച്ചിട്ടുണ്ട്.
